Сабиқ қирғизистан президенти хәлқидин әпу сориди

2005 - Йили ағдурулуп, москваға қечип беривалған сабиқ қирғизистан президенти әсқәр ақайеф, 31 - авғуст күни қирғизларниң мустәқиллиқ күни мунасивити билән азадлиқ радиосиниң қирғиз тилидики аңлитиши арқилиқ пүтүн қирғизистан хәлқидин өзини кәчүрүшни тәләп қилип әпу сориди.
Мухбиримиз үмидвар
2012.09.02
Share on WhatsApp
Share on WhatsApp


Азадлиқ радиосиниң торидики учурдин мәлум болушичә, сабиқ президент ақайеф, өзиниң 20 йиллиқ рәһбәрлик җәрянида пүтүн күчи вә билимини сәрп қилип, қирғизистанниң гүллиниши үчүн хизмәт қилған болсиму, лекин бу җәрянда бир қанчә хаталиқларни садир қилғанлиқини билдүрүп, буниң ичидә қурманбек бақийефни вәзипигә тәйинлигәнликиниң әң чоң хаталиқ болғанлиқини алаһидә тәкитлигән.

Ақайеф қирғизлар җүмлидин қирғизистанлиқларни мустәқиллиқ күни билән тәбрикләш билән қирғизлар вә қирғизистанлиқларниң өзини кәчүрмишини сориған. У, йәнә 2005 - йли у өзиниң һакимийәтни тинчлиқ билән өткүзүп бәргәнлики, һечқандақ қан төкүлүш кәлтүрүп чиқармиғанлиқиниму әскәрткән.

Сабиқ президент әсқәр ақайеф һазир москавадики русийә иқтисад академийисигә профессорлуқ хизмити қиливатқанлиқи мәлум. Уни ағдуривәткән қурманбек бақийеф 2010 - йили охшашла роза отунбайева қатарлиқ өктичиләр тәрипидин ағдурулуп, беларусийигә қечип кетишкә мәҗбур болған иди,. Лекин, униң хәлқидин кәчүрүм сориғанлиқи намәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.