Қирғизистанда 47 нәпәр уйғур тиҗарәтчи қирғиз сақчилириниң зораванлиқиға учриди

Қирғизистандики бир уйғур тиҗарәтчиниң ашкарилишичә, өткән айниң оттурилирида қирғизистанда тиҗарәт қиливатқан уйғурлардин 47 нәпири қирғиз сақчилири тәрипидин сәвәбсиз тутуп кетилип бир күндин бирқанчә күнгә қәдәр йолсиз һалда сораққа тартилған.
Мухбиримиз шөһрәт һошур
2011.06.22

Қирғиз сақчилири сорақ давамида уйғур тиҗарәтчиләрни қанунсиз тиҗарәт қилиш боһтани билән тәһдит салған; әмма һечқандақ пакит көрсәтмигән.

Қирғиз сақчилириниң қәстән иш чиқириватқанлиқини байқиған уйғур тиҗарәтчиләр, сақчиларға 100 доллардин 500 долларға қәдәр пара бериш арқилиқ аваричиликтин қутулған.

Қирғиз сақчилири 11 нәпәр тиҗарәтчиниң паспортиға қара тамға бесип, уларниң 5 йилғичә қирғизистан чеграсидин киришини чәкливәткән; арқидин йәнә қара тамғини өчүрүшкә ярдәм қилидиғанлиқини билдүрүп, уйғур тиҗарәтчиләрдин йәнә пара тәләп қилған.

Бәзи тиҗарәтчиләр қирғизистандики хитай әлчиханисиға телефон қилип, қирғиз сақчилириниң йолсизлиқлирини мәлум қилған болсиму, хитай әлчиханисидикиләрниң һечқандақ һесдашлиқ яки һимайисигә еришәлмигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.