Qaramay shehiri xitaydiki 5 aliy mektepte xizmetke qobul qilish ponkiti qurup, xitaylardin "qosh tilliq" ma'aripqa oqutquchi qobul qilishqa bashlidi

Qarimay sheherlik ma'arip idarisi bilen sheherlik kadirlar idarisi 11‏- ayning otturiliridin bashlap, xitaydiki 5 aliy mektepte xizmetke qobul qilish ponkiti qurup, kéler yili aliy mektep püttüridighan xitay oqughuchilardin qarimaydiki ottura - bashlan'ghuch mekteplerge "qosh tilliq ma'arip "ni öz ichige alghan oqutquchi qobul qilishqa bashlighan.
Muxbirimiz erkin
2010-11-25
Share
 Qarimay shehiri jem'iy 7 aliy mektepni 2011‏‏- yili mektep püttüridighan oqughuchilardin oqutquchi qobul qilidighan nuqtiliq mektep qilip tallighan. Uyghur ilidin shinjang pidagokika uniwérsitéti we ili pidagogika inistitoti bu tizimliktin orun alghandin sirt, qalghan mektepler pütünley ichkiridiki pidagogika uniwérsitétlirini asas qilghan. Yerlik metbu'atlarning xewerlerdin melum bolushiche, xizmetke qobul qilish obikti qarimay shehirining "qosh tilliq ma'arip"ni öz ichige alghan ottura -bashlan'ghuchlardiki oqutquchi yitishmeslik ehwalini hel qilishtin ibaret iken.

Qarimaygha ichkiridiki xitay aliy mekteplirini asas qilip oqutquchi qobul qilish qarari Uyghurlarda "qosh tilliq ma'arip"qa bolghan endishe küchiyip, Uyghurlarda xizmetke qobul qilinishtiki yekleshke qarshi naraziliq yüksiliwatqan bir peytke toghra kelgen idi. Xitay merkizi hökümiti bu yil 5‏- ayda "shinjang xizmet yighini" chaqirip, Uyghurlarning iqtisadini yaxshilaydighanliqini élan qilghan bolsimu, lékin bezi analizchilar Uyghurlar hoquq séstimisidin siqip chiqirilghan ehwalda merkezning chaqiriqini ijra qilish - qilmasliq yenila "shinjang"diki xitay emeldarlarning insapigha baghliq bolup qalidighanliqini eskertip keldi.
Qarimay ma'arip we kadirlar idarisi da'irilirining ashkarilishiche, yéqinqi 5 yildin buyan, qarimay shehirining bashlan'ghuch we ottura mektepliridiki oqughuchilar sani jiddiy köpiyip, buningdin 5 yil burunqi 40 mingdin hazirqi 60 minggha yetken. Buning bilen qarimay shehiride oqutquchi yitishmeslik ehwali éghirlashqan. Bu heqtiki xewerlerde buninggha sirttin kelgen köchmen ishchi-xizmetchilerning téz köpeygenliki seweb bolghanliqini ilgiri sürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet