Rusiye 160 neper général we polkownikni wezipisidin boshatti

Rusiyining “Lénta.Ru” uchur torining xewer qilishiche, mezkur générallar bash qomandanliq shtabining ularni moskwadin ayrilip, her qaysi jaylarda wezipe ötesh buyruqini ijra qilishni xalimay, moskwadin kétishni ret qilghan.

Mezkur générallar we polkowniklar rusiye armiyisi bash qomandanliq shtabi, dölet mudapi'e ministirliqi qatarliq jaylarda türlük xizmet wezipilirini ötewatqanlar bolup, ene shularning qatarida rusiye quruqluq armiyisining birinchi mu'awin bash qomandani général sérgéy skokow, rusiye radi'o-éléktron qisimlirining qomandani général mayor olég iwanow shuningdek yene bash qomandanliq shtabining mu'awin bashliqi général léytinant andréy trétyaka qatarliq aliy derijilik qomandanlar bar iken.

Xewerlerdin melum bolushiche, nöwette rusiye herbiy islahatni kücheytiwatqan bolup, herbiy xadimlarning sanini qisqartip, ma'ashliq kespiy eskerlerni köpeytish, herbiy rayonlarni “Gherb”, “Sherq”, “Merkez” we “Jenub” tin ibaret töt istratégiyilik qomandanliq nuqtisigha almashturushni qarar qilghan.

Shu sewebtin moskwadiki merkiziy herbiy organlardiki bu yuqiri derijilik ofitsérlar her qaysi jaylardiki qomandanliq orunlirigha yötkesh qarar qilin'ghan idi.
Bu rusiyining yéqinqi herbiy tarixidiki bir qétimliq keng kölemlik ishtin boshitish bolup hésablinidiken.