Русийә коммунистлири совет иттипақини әслигә кәлтүрүшкә ишәнмәктә

Итартасниң йезишичә, компартийиниң даһийси зһуганоф русийә һөкүмитини қаттиқ тәнқид қилип, путин һөкүмитиниң хәлққә көп вәдиләрни бәргән болсиму, лекин әмәлийләштүргәнлириниң азлиқини көрсәткән һәмдә русийиниң игилик һоқуқини барлиқ бәдәлләр билән қоғдаш лазимлиқини тәкитлигән.
 
Зһуганоф йәнила компартийә әзалирини өзгиришкә тәйяр болуш, вақти кәлсә қайтидин русийә һакимийитини қолға елишқа илһамландурған,  шуниңдәк капитализм һаман йоқилиду, сотсиялизм ғәлибә қилиду, дегән нәзәрийини илгири сүргән. Зһуганоф дадиллиқ билән совет иттипақиниң қайта тирилиши мумкинликини тәкитлигән
 
Әйни вақитта сабиқ русийә президенти борис йелтсин компартийини қанунсиз дәп елан қилған һәм кейин униң паалийитигә йол қойған иди. Компартийә русийә парламентидики муһим партийә болсиму, бирақ һакимийәтни игиләштин һазирчә йирақ турмақта.

Компартийиниң парламенттики орниму төвәнләп кәткән. Компартийә даһийси зһуганоф бир қанчә қетим президент сайлимиға қатнишип, мәғлуп болған. Компартийигә көпинчә қерилар әза болған. Йеңи русийә яшлири болса пүтүнләй башқа еқимда икән.

Бу қурултайда һәтта коммунист рәһбәрлири сталинни мәдһийиләп, бәзи шәһәрләрниң ленинград вә сталинград дегән намлирини әслигә кәлтүрүш лазимлиқини тәкитлигән.