Rusiye - xitay déngiz armiyisining birleshme manéwiri bashlandi

Rusiye bilen xitay armiyisining birleshme manéwiri bügün, yeni 22 - april küni xitayning chingdaw shehirige yéqin sériq déngiz rayonida bashlandi. 27 - Aprilghiche dawamlishidighan mezkur birleshme manéwirgha rusiye we xitay déngiz küchlirining bir qisim paraxotliri we déngiz armiye qoshuni qatnashqan.
Muxbirimiz ümidwar
2012.04.22

Fransiye agéntliqining yézishiche, mezkur birleshme manéwirgha rusiye özining yette ilghar urush paraxotini ewetken bolup, buning ichide okyan charlighuchi paraxot we üch dane chong tiptiki su asti paraxotigha zerbe bérish paraxoti bar iken. Xitay terep shimaliy déngiz, jenubiy déngiz we sherqiy déngiz pilotlirining 4 dane paraxoti, déngiz armiyisining alahide qisimi bolup, 4 ming etrapida ofitsér we eskirini qatnashturghan.

Bu rusiye bilen xitayning birleshme herbiy manéwirliri yolgha qoyulghan yillardin buyanqi tunji qétimliq birleshme déngiz armiye manéwiri bolup hésablinidiken.

Xitay we rusiye terep mezkur manéwirning üchinchi bir döletke qaritilmighanliqini jakarlighan bolsimu, emma uning yenila amérikining tinch okyan rayonidiki künsayin éshiwatqan herbiy tesirige taqabil turushni meqset qilghan dep tehlil qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.