رۇسىيە نامايىشچىلىرى پۇتىننى ئىستىپا بېرىشكە چاقىردى

شەنبە كۈنى رۇسىيىنىڭ شىمالىدىكى كالىنىنگراد شەھىرىدە كەڭ كۆلەملىك نارازىلىق نامايىشى يۈز بەرگەن بولۇپ، بەزى رۇسىيە مەنبەلىرىدە كۆرسىتىلىشىچە، بۇ نامايىشقا 10 مىڭغا يېقىن ئادەم قاتناشقان، ئەمما ب ب س نىڭ خەۋىرىدە بولسا، يەتتە مىڭ ئادەم قاتناشقان مەزكۇر نامايىشنىڭ ئاساسىي مەقسىتى رۇسىيە باش مىنىستىرى ۋىلادىمىر پۇتىنىڭ ۋەزىپىسىدىن ئىستىپا بېرىشىنى تەلەپ قىلىش ئىكەن.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2010-01-31
ئېلخەت
پىكىر
Share
پرىنت

خەۋەرلەردە ئېيتىلىشىچە، نامايىشنى رۇسىيە كوممۇنىستلار پارتىيىسى ۋە ئەركىن دېموكراتلار پارتىيىسى تەشكىللىگەن بولۇپ، مەزكۇر نامايىشقا يەنە موسكۋادىن باشقا ئۆكتىچى پارتىيە رەھبەرلىرىمۇ كېلىپ ئىشتىراك قىلغان.

نامايىشچىلار رۇسىيە ھۆكۈمىتىنىڭ قاتناشنى ئۆز ئىچىگە ئالغان بىر قىسىم ساھەلەر بويىچە باھانى ۋە باجنى ئۆستۈرگەنلىكىگە نارازىلىق بىلدۈرگەن.

ۋىلادىمىر پۇتىننى ئىستىپا بېرىشكە چاقىرىدىغان نامايىش ئالدىنقى ھەپتىلەردىمۇ يۈز بەرگەن بولۇپ، بۇ نامايىشنى ئاساسلىقى كوممۇنىستلار تەشكىللىگەن ئىدى. ئىلگىرى رۇسىيە كوممۇنىستلىرى ئايرىم نامايىش تەشكىللىگەن بولسا، بۇ قېتىم ئۇلارنىڭ سېپىغا ئەركىن دېموكراتلار ۋە باشقا ئۆكتىچى پارتىيىلەرنىڭمۇ قوشۇلۇۋاتقانلىقى، بۇ پارتىيىلەرنىڭ رۇسىيىدە دېموكراتىيىنىڭ چېكىنىۋاتقانلىقىنى تەنقىد قىلىۋاتقانلىقى مەلۇم.

پۇتىن ئىلگىرى ئىككى نۆۋەت پرېزىدېنت بولغان بولۇپ، نۆۋەتتە ئۇنىڭ باش مىنىستىرلىق ۋەزىپىسىنى ئاتقۇرۇش بىلەن يەنىلا رۇسىيە ھاكىمىيىتىنى تۇتۇپ تۇرۇۋاتقانلىقى بىلدۈرۈلمەكتە.

پىكىرلەر (0)
Share
تولۇق بەت