Русийә намайишчилири путинни истипа беришкә чақирди

Шәнбә күни русийиниң шималидики калининград шәһиридә кәң көләмлик наразилиқ намайиши йүз бәргән болуп, бәзи русийә мәнбәлиридә көрситилишичә, бу намайишқа 10 миңға йеқин адәм қатнашқан, әмма б б с ниң хәвиридә болса, йәттә миң адәм қатнашқан мәзкур намайишниң асасий мәқсити русийә баш министири виладимир путиниң вәзиписидин истипа беришини тәләп қилиш икән.
Мухбиримиз үмидвар
2010.01.31

Хәвәрләрдә ейтилишичә, намайишни русийә коммунистлар партийиси вә әркин демократлар партийиси тәшкиллигән болуп, мәзкур намайишқа йәнә москвадин башқа өктичи партийә рәһбәрлириму келип иштирак қилған.

Намайишчилар русийә һөкүмитиниң қатнашни өз ичигә алған бир қисим саһәләр бойичә баһани вә баҗни өстүргәнликигә наразилиқ билдүргән.

Виладимир путинни истипа беришкә чақиридиған намайиш алдинқи һәптиләрдиму йүз бәргән болуп, бу намайишни асаслиқи коммунистлар тәшкиллигән иди. Илгири русийә коммунистлири айрим намайиш тәшкиллигән болса, бу қетим уларниң сепиға әркин демократлар вә башқа өктичи партийиләрниңму қошулуватқанлиқи, бу партийиләрниң русийидә демократийиниң чекиниватқанлиқини тәнқид қиливатқанлиқи мәлум.

Путин илгири икки нөвәт президент болған болуп, нөвәттә униң баш министирлиқ вәзиписини атқуруш билән йәнила русийә һакимийитини тутуп туруватқанлиқи билдүрүлмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.