Русийилик шәрқшунас бейҗиңда қаза қилди

Итартас агентлиқиниң хәвәр қилишичә, наил ахмәтшин, бир қанчә нәпәр русийилик билән бейҗиңдики суңҗуңшән сарийида өткүзүлгән бир консертни көргили барған болуп, қайтишида, такси тутуш үчүн йолниң четиға чиққанда бир велисипит соқуветип еғир зәхмиләнгән һәмдә җиддий қутқузуш машиниси кәлгән болуп, у қутқузуш машиниси ичидә қаза қилған.

Хәвәрдә ейтилишичә, туюқсиз йүз бәргән бу вәқәни хитай сақчилири тәкшүрмәктә. ' Наил ахмәтшин хитайшунас тарихчи болуп, у хитай вә тибәт һәққидики бир қанчә китабниң аптори, униң "йипәк йолиниң сири", "тибәт пәлсәписиниң сирлири" қатарлиқ китаблири нәшир қилинған.

Наил ахмәтшин қаза қилишниң алдида хитай компартийиси мәркизий комитетиниң тәрҗимә идарисида хитай рәһбәрлириниң әсәрлирини хитай тилидин рус тилиға тәрҗимә қилиш һәм тәһрирләш ишлири билән шуғулланған икән.