Xitay ölkiliridin qayturup kélin'gen Uyghur sergerdan balilarni orunlashturush mesilisi qiyinchiliqqa duch keldi

Xitay axbarat wasitilirining ashkarilishiche, Uyghur aptonom rayoni 2011‏-yili 4‏-aydin bashlap xitay ölkiliridiki Uyghur sergerdan balilarni yurtigha qayturup kélishni yolgha qoyghandin kéyin, qayturup kélin'gen balilarni orunlashturush qiyinchiliqqa duch kelgen.
Muxbirimiz erkin
2012.01.27

Shinxu'a axbarat agéntliqining bu heqtiki xewiride aptonom rayonluq ayallar birleshmisining melumatini neqil keltürüp, bezi balilarni a'ilisige orunlashturush qiyin'gha toxtawatqanliqi, qutulduruwélin'ghan balilarning 75 % ining a'ilisi intayin namrat bolup, yilliq kirimi 5000 yüen'ge yetmeydighanliqi, ularning tirikchilik bilen aldirash bolup, özining mes'uliyitini ada qilalmaydighanliqi, psixologiyilik perwishke mohtaj bolghan bu balilarda bolsa a'ile tuyghusining yoqluqi bildürülgen.

Xitay hökümiti ötken yili 4‏-aydin bashlap ichkiridiki Uyghur sergerdan balilarni qayturup kélidighanliqini élan qilghandin buyan, 1332 neper balini qayturup kelgen. Lékin terepsiz menbelerning ilgiri sürüshiche, bu sergerdan balilarning intayin az bir qismidin ibaret bolup, ularning mutleq köp qismi adem etkeschilikining qurbani.

Aptonom rayonluq ayallar birleshmisi teklip bérip, bu mesilini edliye we memuri tüzüm qurup chiqish arqiliq hel qilishni, ata-aniliq burchini ada qilmighan a'ililerni qanuni jawabkarliqqa tartishni, ularning ata-aniliq hoquqini bir terep qilishni otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.