Shangxey hemkarliq teshkilati kéler ayda qazaqistanda térrorluqqa qarshi maniwér ötküzmekchi

Maniwérgha, xitay, qazaqistan, rusiye, özbékistan, qirghizistan we tajikistan qatarliq döletler ishtirak qilidu.

Manéwér 19 ‏- séntebirdin 25 ‏- séntebirge qeder 6 kün dawam qilidu. Xitay herbiy da'iriliri bu qétimqi manéwér heqqide bayanat bérip, térrorluq, bölgünchilik, radikalliqqa qarshi ortaq küch körsitish dep chüshendürgen. Biraq, asasliq köch körsitiliwatqan terepning kim ikenliki heqqide toxtalmighan.

Pentagan aldinqi küni élan qilghan xitay heqqidiki doklatida, xitayning shangxey hemkarliqi arqiliq Uyghur musteqilchilirining arqa téreklirige hujum qiliwatqanliqini, Uyghur pa'aliyetchilirige qarita rayon xaraktérlik ittipaq shekillendürüwatqanliqini bildürgen.

Bügün nyuyorktiki yawro'asiya tetqiqat ornimu bu heqtiki xewiride, xitayning shangxey hemkarliqi arqiliq Uyghur musteqilchilirige zerbe bérishni asasi nishan qilghanliqini bayan qilghan.

Xewerde bildürülüshiche, shangxey hemkarliqining herbiy manéwiri, 2005 ‏- yili bashlan'ghan we ikki yilda bir qétim ötküzülgen. Yeni axirqisi 2009 ‏- yili ötküzülgen. Maniwérning buningdin kéyin yilda bir qétim ötküzülidighanliqi bayqalmaqta.