Хитай шималий корийиниң ядро қораллар тәкшүрүшини қобул қилидиғанлиқини билдүрди

Америка авази радиосиниң хәвәр қилишичә, хитайниң хәлқара ядро қораллар тәкшүрүш гурупписидики хадими бүгүн шималий корийигә йәнә қайтип барған. Шималий корийидә зиярәттә болған бир америка әмәлдариму шималий корийиниң хәлқараниң ядро қораллири тәкшүрүшини қобул қилғанлиқини илгири сүргән.
Мухбиримиз меһрибан
2010.12.21

Хитай баянатчиси җяң йү бүгүн баянат берип, хитайниң шималий корийиниң хәлқара җәмийәтниң ядро қораллар назаритини қобул қилишини тәшәббус қилидиғанлиқини билдүргән. Җяң йү сөзидә йәнә шималий корийиниң ядро қораллири мәсилисиниң америка, хитай, шималий корийә, җәнубий корийә, японийә һәм русийә қатарлиқ 6 дөләтниң ортақ сөһбити һәм тиришчанлиқи арқилиқ һәл болидиғанлиқини ипадилигән.

Башқа хәвәрләргә қариғанда, җәнубий корийә түнүгүн йәнпиң арилиға йеқин җайда һеқиқи зәмбирәк оқи етиш маневири елип барғандин кейин, шималий корийә тәрәп җәнубий корийиниң бу һәрикитигә қайтурма зәрбә бәрмәйдиғанлиқини билдүргән. Русийә тәрәп болса җәнубий корийиниң бу маневириниң корийә арили вәзийитини җиддийләштүрүветиши мумкинликини әскәртип, тәрәпләрни соғуққан болушқа чақирған иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.