Xitay shimaliy koriyining yadro qorallar tekshürüshini qobul qilidighanliqini bildürdi

Amérika awazi radi'osining xewer qilishiche, xitayning xelq'ara yadro qorallar tekshürüsh guruppisidiki xadimi bügün shimaliy koriyige yene qaytip barghan. Shimaliy koriyide ziyarette bolghan bir amérika emeldarimu shimaliy koriyining xelq'araning yadro qoralliri tekshürüshini qobul qilghanliqini ilgiri sürgen.
Muxbirimiz méhriban
2010-12-21
Share

Xitay bayanatchisi jyang yü bügün bayanat bérip, xitayning shimaliy koriyining xelq'ara jem'iyetning yadro qorallar nazaritini qobul qilishini teshebbus qilidighanliqini bildürgen. Jyang yü sözide yene shimaliy koriyining yadro qoralliri mesilisining amérika, xitay, shimaliy koriye, jenubiy koriye, yaponiye hem rusiye qatarliq 6 döletning ortaq söhbiti hem tirishchanliqi arqiliq hel bolidighanliqini ipadiligen.

Bashqa xewerlerge qarighanda, jenubiy koriye tünügün yenping ariligha yéqin jayda héqiqi zembirek oqi étish manéwiri élip barghandin kéyin, shimaliy koriye terep jenubiy koriyining bu herikitige qayturma zerbe bermeydighanliqini bildürgen. Rusiye terep bolsa jenubiy koriyining bu manéwirining koriye arili weziyitini jiddiyleshtürüwétishi mumkinlikini eskertip, tereplerni soghuqqan bolushqa chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet