Shénjénda 511 adwokat ochuq xet élan qildi

511 Neper adwokat ochuq xétide gu'angdong ölkisining dong yu'en nahiyisidiki yerliridin ayrilip qalghan déhqanlar üchün adwokatliq qilghan we ulargha qanuniy yardemlerni körsetken shénjénliq adwokat li'uyawning ikki yilliq nezerbent astigha élin'ghanliqigha naraziliq bildürüp, dongyu'an nahiyilik ottura sot mehkimisidin li'u yawning délosini ashkare sot qilishni telep qilghan.

Amérika awazi radi'osining xewer qilishiche, li'u yaw 2007 - yili bu jaydiki yerliridin ayrilip qalghan déhqanlargha yardemliship, déhqanlarning oz yerlirige hökümetning qurulush qilishigha qarshiliq körsitishige qanuniy yosunda qarshiliq qilghan. Chünki, 2006 - yili, mezkur nahiyilik hökümet bir shirket bilen birliship, bu jayda éléktir istansisi yasimaqchi bolup, déhqanlarning yerlirini mejburi ishletkendin kéyin, déhqanlarning qattiq naraziliqini keltürüp chiqarghan, hemde ular erz qilghan idi. Li'u yaw 2008 - yili 1 - ayning 17 - küni qolgha élin'ghan hemde, 4 yilliq qamaqqa buyrulup, kéyin ikki yilgha özgertilgen.

Li'u yawning béyjingliq adwokati lifangping li'uyawning bu déhqanlarning hawalisi bilen ular üchün adwokatliq qilghanliqi hem ularning qanuniy hoquqlirini qoghdighanliqini bildürgen.

 511 Neper adwokatning birlikte ochuq xet yézip, adwokatliq kespini qoghdash we adwokat li'u yawning hoquqini himaye qilish herikiti yéqinqi waqitlardin buyan, xitayda yüz bergen tunji qétimliq chong bir weqe hésablan'ghan bolup, gu'angdong ölkisi we pütün xitaydiki qanun sahesidikilerning diqqitini tartqan.