Xitay amérikini spratil arilidiki térritoriye majirasigha arilashmasliqqa chaqirdi

Xitay nensha taqim aralliri dep atawatqan spratil arallirining igilik hoquqi wyétnam, teywen, malayshiya, filippin, teywen we broné qatarliq döletler arisida talash-tartishtidur.

Yéqinqi aylardin béri terepler arisida mezkur mesile üstidiki talash-tartish qayta ewj élish bilen amérika zörür tépilsa tinch okyan rayonidiki menpe'iti we ittipaqdashlirini qoghdaydighanliqi heqqide signal bergen idi.

Xitay bügünki bayanatida eger déngiz teweliki talash-tartishigha amérika arilashsa, weziyetning téximu jiddiyliship kétidighanliqini bildürüp, amérikini spratil aralliri mesilisidin özini uzaq tutushqa chaqirdi.

Filippin tashqi ishlar ministirliqi bügünki bayanatida, 1951 - amérika bilen tüzülgen hemkarliq ehdinamisige asasen, amérikining filippin armiyisi tajawuzchilarning hujumigha uchrighan ehwalda filippin armiyisini qoghdash mejburiyiti barliqini eskertti.

Birleshme agéntliqning bu heqtiki so'aligha jawab bergen amérikining maniladiki bash elchisi alan holst, amérikining xiyaliy weqeler üchün aldirap pikir bayan qilmaydighanliqini bildürgen؛ emma u istratégiyilik shérikliridin bolghan filippin bilen otturilirida tüzülgen hemkarliq ehdinamisidiki wedilirige emel qilidighanliqini eskertken.