Sürgündiki tibet hökümitining yéngi bash ministiri san'gay tibet weziyiti heqqide toxtaldi

Sürgündiki tibet hökümitining yéngi saylan'ghan bash ministiri san'gay tibetning xitay hökümiti teripidin yürgüzülüwatqan siyasiy bésim, asimliyatsiye we iqtisadta chetke qéqish siyasetlirining buzghunchiliqigha uchrawatqanliqini bildürdi.
Muxbirimiz irade
2011.04.28

Birleshme agéntliqining xewer qilishiche, san'gay sözide yene, peqet iqtisad we armiyige tayinipla chong dölet bolghili bolmaydighanliqini tekitlep, xitayning yéngi dunyadiki derijidin tashqiri dölet bolush arzusigha yétish üchün aldi bilen öz xelqige bolghan exlaqiy burchini ada qilishi kéreklikini éytqan.

Amérikining xarward uniwérsitétida telim alghan san'gay bu yil 43 yashqa kirgen bolup, u yéqinda élip bérilghan saylamda 55 pirsent awaz bilen sürgündiki tibet hökümitining bash ministiri bolghan idi.

Xitay tashqi ishlar ministirliqi bolsa, mezkur saylam we yéngi bash ministir heqqide ipade bildürüshtin özini tartqan.

Peyshenbe küni xitay tashqi ishlar ministirliqining bayanatchisi muxbirlarning bu heqtiki so'aligha jawab bérip, sürgündiki tibet hökümiti xitayni parchilashni meqset qilghan qanunsiz bir organ, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.