Сүргүндики тибәт һөкүмити дуняни өзини көйдүрүвелиш вәқәлиригә алаһидә диққәт қилишқа чақирди

Бүгүн сүргүндики тибәт һөкүмити баянат елан қилип, хәлқара җамаәтниң тибәтләрниң өзини көйдүрүвелиш вәқәсигә алаһидә диққәт қилишни мураҗиәт қилди.

2012.08.30
Share on WhatsApp
Share on WhatsApp

Баянатта, һазирғичә әң аз дегәндә 51 нәпәр тибәтниң мустәқиллиқ вә далай ламаниң қайтип келишини тәләп қилип өзини көйдүрүвалғанлиқи, тибәтниң һазир һәрбий түзүм астида идарә қилиниватқанлиқи, чәтәллик саяһәтчи вә мухбирларниң районға киришиниң чәкләнгәнлики билдүрүлгән.

Баянатта мундақ дейилгән:
-Хитай һөкүмити қаттиқ қол васитиләр билән идарә қилишни күчәйткәнчә, тибәтләрниң шиддәт йоли арқилиқ қаршилиқ билдүрүш һадисилири артмақта. Хитай һөкүмити тибәтләрниң өзини көйдүрүвелишиға сәвәб болуватқан икән, у һалда уларниң мәсилини һәл қилиш мәҗбурийитиму бар.

Тибәтләрниң өзини көйдүрүвелиш вәқәлиригә қарита, америка, франсийә, италийә, канада вә һәтта австралийә қатарлиқ нурғун дөләтләр вә шуниңдәк явропа иттипақи вә башқа кишилик һоқуқ органлири баянат елан қилип, хитайдин бу паҗиәни тохтитишини вә тибәт хәлқи билән сөһбәткә олтурушини тәләп қилған иди. Бүгүн сүргүндики тибәт һөкүмити баянатида, хитай һөкүмитини хәлқара җамаәтниң чақириқиға қулақ селишқа дәвәт қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.