Sürgündiki tibet hökümiti xitayning teyinlen'güsi yéngi rehberlik qatlimi bilen söhbet ötküzüshni oylashmaqta

Melum bolushiche, mushu ayning 25-künidin 28-künigiche sürgündiki tibet parlaménti mezkur témida muzakire élip baridu. Muzakiride tibetning nöwettiki jiddiy weziyitide xitay terep bilen némilerni sözlishish, qandaq shertlerni otturigha qoyush qarar qilinidu.

Xitay bilen dalay lamaning wekilliri arisida élip bériliwatqan xitay-tibet söhbiti dalay lama wezipisidin istépa bergendin kéyin, bolupmu tibet weziyitidiki jiddiylik sewebidin toxtap qalghan idi.

Tibet sürgündiki hökümitining bu qétimqi bayanatida, nöwette tibette yüz bériwatqan özige ot qoyuwélish heriketliri, tibetlikler üchün öz iradisini ipadileshning héchqandaq yoli qalmighanliqining netijisi dep körsitilgen. Bayanatta yene, xitayning herbiy küchige tayinip tibet xelqini boysunduralmaydighanliqi yene bir qétim tekitlen'gen.

Tibet sürgündiki hökümiti amérika tashqi ishlar ministiri hillariy kilinton xanimning yéqinda xitayni tibet wekilliri bilen söhbet ötküzüshke chaqirghan sözige minnetdarliqini bildürüsh bilen birge, xitay terepnimu mezkur chaqiriqqa qulaq sélishqa dewet qilghan.