Fransiye tashqi ishlar ministiri: eger süriyidiki öktichilerge yardem bérilmise, térrorluqqa yol échilidu

U sözide “Eger bügün süriyidiki öktichilerge yardem bérilmise, rayonda qanliq qirghinchiliq yüz béridu, netijide térrorluq we radikalliqqa yol échilidu” dégen. U, bu xil aqiwetning aldini élish üchün süriyidiki öktichilerge özini qoghdighudek we siyasiy ghayisige yetküdek derijide maddiy we meniwi yardemning bérilishi kéreklikini eskertken.

Zulum bilen térrorluq arisidiki munasiwet xelq'ara diplomatiyide talash-tartishtiki bir téma bolup, bezi döletler sewebi néme bolsa bolsun, térrorluqning epu qilinmasliqi kéreklikini otturigha qoysa, yene bezi döletler sewebi néme bolsa bolsun, kishilerning térrorluqqa mejburlanmasliqi kéreklikini otturigha qoyushmaqta. Fransiye tashqi ishlar ministirining bügünki sözide, süriyidiki öktichilerning beshar esad hökümiti teripidin térrorluqqa mejburliniwatqanliqi isharet qilin'ghan.