Xitay chingxeyde tibet ibadetxanilirining anténna we téléwizorlirini yighiwalghan

Roytérs agéntliqining xewiride ilgiri sürüshiche, da'iriler ibadetxanilarning 3000 téléwizorini yighiwalghan, nurghun sün'iy hemrah anténnasi “Junggogha qarshi” programmilar ni qoyup, tibetlerning özige ot qoyushini keltürüp chiqarghanliq sewebidin buzup tashlan'ghan.

Xitay da'iriliri yéqinda tibetlerning özini köydürüsh weqelirige qarshi tedbir alidighanliqini élan qilghan idi. Közetküchilerning ilgiri sürüshiche, téléwizor we anténnalarni yighiwélish özini köydürüshke qarshi élin'ghan tebirlerning bir qismi bolushi mumkin.

Hazirgha qeder 90 nechche tibetlik özini köydürüp, xitayning tibet siyasitige naraziliq bildürgen. Chingxey axbarat wasitilirining xewer qilishiche, chingxeyde özini köydürüsh weqesi 5 qétim yüz bergen.

Dalay lama özining musteqilliq telep qilmaydighanliqini dawamliq tekitlep kelgen bolsimu, biraq xitay hökümiti dalay lamani bölgünchilik bilen eyiblep, özige ot qoyush weqelirini uning we sürgündiki tibet teshkilatlirining xelqni küshkürtüp peyda qiliwatqanliqini ilgiri sürüp keldi.

Amérika we bashqa bir qisim döletler izchil xitayni tibettiki basturush siyasitige xatime bérip, dalay lama bilen söhbet ötküzüshke chaqirip kelgen. Ikki terep yéqinqi 10 yil ichide 9 qétim söhbet élip barghan bolsimu, biraq héchqandaq netijige érishelmigen.