Uyghurbiz tori mirxemitjan muzepper üstidin chiqirilghan sot hökümining esli nusxisini élan qilidighanliqini bildürdi

Uyghur biz tori mirxemitjan muzepper heqqidiki xewerni eng burun ashkarilighan bolup, Uyghurbiz toridiki munasiwetlik xadimlarning radi'omizgha bildürüshiche, Uyghurbiz torining muxbiri uzun muddetlik uchur toplash arqiliq, nöwette mirxemitjan muzepper heqqidiki matériyallarni we Uyghur tor béketliride wezipe alghini üchün qamaq jazasigha höküm qilin'ghan tor bashqurghuchiliri heqqidiki uchurlarni toplighan bolup, yéqin kelgüside bu uchurlar Uyghurbiz torining xelq'ara tor békitide we bashqa uchur menbeliride élan qilinidiken.

Melum bolushiche, 2009-yili “5-Iyul weqesi” din kéyin sotlan'ghan mirxemitjan muzepper isimlik bu yash 2009-yili 4-ayda Uyghurlar heqqide programma ishlesh üchün qeshqerge kelgen xongkong “Sumurgh” téléwiziye qanilining aliy derijilik muxbiri jaw yüge terjimanliq qilghan. Qeshqer sot mehkimisi mirxemitjan muzepperni “Bölgünchilik” jinayiti bilen eyiblep qamaq jazasigha höküm qilghan bolsimu, emma sumurgh téléwiziyisining muxbirining héchqandaq jawabkarliqi sürüshtürülmesliki hem sumurgh téléwiziyisining bu weqe heqqide 3 yilghiche xewer bermesliki xelq'ara metbu'atlarda ghulghula qozghimaqta.