ئاپرىل ئېيىدىن ئېتىبارەن ئۇيغۇر ئېلىدىكى ئالىي مەكتەپلەردە ئىككى ئايلىق بۆلگۈنچىلىككە قارشى تۇرۇش تەربىيە ھەرىكىتى باشلاندى

خىتاي مەركىزىي كومىتېتى ئۇيغۇر ئاپتونوم رايونى سېكرېتارى ۋاڭ لېچۇئەننى ۋەزىپىسىدىن قالدۇرۇشنى قارار قىلغان بۇ كۈنلەردە ئۇيغۇر ئېلىدىكى ئالىي مەكتەپ ئوقۇغۇچىلىرى ئارىسىدا مىللەتلەر ئىتتىپاقلىقى ۋە مىللىي بۆلگۈنچىلىككە قارشى تۇرۇش تەربىيە ھەرىكىتى باشلانغان.
ﻣﯘﺧﺒﯩﺮﯨﻤﯩﺰ ﺋﯜﻣﯜﺩﯞﺍﺭ
2010-04-25
Share

شىنخۇا ئاگېنتلىقىنىڭ خەۋەر قىلىشىچە، بۇ پائالىيەتكە ئۇيغۇر ئېلىدىكى 14 ئالىي مەكتەپ قاتناشقان بولۇپ، ئۇيغۇر ئاپتونوم رايونلۇق ئىتتىپاق كومىتېتىنىڭ مۇئاۋىن سېكرېتارى جۇ گاڭ مەزكۇر ھەرىكەتكە ئىزاھات بېرىپ، بۇنىڭ مەقسىتىنىڭ "شىنجاڭدىكى ھەر مىللەت ئالىي مەكتەپ ئوقۇغۇچىلىرىنىڭ ۋەتەننىڭ بىرلىكىنى قوغداش، مىللەتلەر ئىتتىپاقى ۋە ئىجتىمائىي مۇقىملىق ئېڭى ۋە قەتئىيىلىكىنى تېخىمۇ ئاشۇرۇش" ئىكەنلىكىنى كۆرسەتكەن.

خەۋەردە كۆرسىتىلىشىچە، مەزكۇر باشلىق يەنە بۇ ئارقىلىق "ھەر مىللەت ئالىي مەكتەپ ئوقۇغۇچىلىرىنىڭ مىللەت بىلەن دۆلەتنىڭ مۇناسىۋىتىنى توغرا تونۇپ يېتىپ، ئۇلارنىڭ دۆلەتنىڭ ئالىي مەنپەئەتىنى قوغداش ئېڭىنى ئۆستۈرگىلى بولىدىغانلىقى"نى تەكىتلىگەن.

ئۇيغۇرلارنىڭ، بولۇپمۇ ئۇيغۇر ياش - ئۆسمۈرلىرىنىڭ ۋەتەنپەرۋەرلىك تەربىيىسىگە كۆڭۈل بولۇش ئىلگىرىلا مەيدانغا چىققان شوئار بولسىمۇ، بىراق ئۆتكەن يىلىدىكى 5 - ئىيۇل ۋەقەسىدىن كېيىن خىتاي ھۆكۈمىتىنىڭ بۇ خىل تەربىيىنى تېخىمۇ كۈچەيتىۋاتقانلىقى، بۇ تەربىيىنىڭ ئاساسلىقى ئۇيغۇرلار ئارىسىدا كۈچەپ تەشۋىق قىلىنىۋاتقانلىقى مەلۇم.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت