Da'iriler Uyghur élige meblegh sélishni ashuruwetmeslik heqqide agahlanduruldi

Xitay yéza igilik bankisining bir tetqiqat orni yéqinda doklat élan qilip, Uyghur éli qatarliq yilliq iqtisadi yuqiri sür'et bilen éship bériwatqan ölke, aptonom rayonlarni qalaymiqan meblegh salmasliq, sheherlishishni bahane qilip, ashurup meblegh salmasliq heqqide agahlandurghan.
Muxbirimiz erkin
2013-02-15
Share

Doklatta körsitilishiche, 2012‏-yili mutleq köp qisim ölkilerning omumiy ishlepchiqirish miqdari töwenligen bolsimu, lékin Uyghur éli, tibet, gensu, yünnen qatarliq bir qisim ölke-aptonom rayonlarning omumiy ishlepchiqirish miqdari dawamliq 12% we uningdin yuqiri sür'et bilen örlep mangghan.

Doklatta, shinjang qatarliq jaylardiki bu xil yuqiri sür'etlik tereqqiyatning meblegh sélishqa tayinip barliqqa kéliwatqanliqi eskertilip, bu xil ehwal 2013‏-yili yene dawamlishidighanliqini bildürgen.

Uyghur aptonom rayonining 2012‏-yilliq iqtisadiy tereqqiyati az kem 13% ge yétip barghan.

Közetküchilerning ilgiri sürüshiche, buningda kömürchilik, éléktr énérgiye, kömür gaz ishlepchiqirishigha meblegh sélish, yer mülk we köchmen yötkep sheherlishishni tézlitish qatarliq amillar asasliq rol oynighan.

Doklatta, bu xil ehwalgha derhal xatime bérilmise, yerlik hökümetlerning qerzi dawamliq éship baridighanliqi, hazir1.6 Trliyun dollargha yétip barghanliqini bildürgen.

Mutexessisler yerlik hökümetlerning qerzini xitay iqtisadi üchün "Qerellik bomba" dep körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet