Вен җабавниң армийигә болған мутләқ рәһбәрликни тәкитлишидә сәвәб бар

Б б с ниң баян қилишичә, хитайниң баш министири вен җабав бейҗиңдики икки чоң йиғинда, коммунист партийиниң азадлиқ армийигә болған мутләқ рәһбәрликини тәкитлигәндә, аңлиғучилар вен җабавниң тәләппузиға һәйран қалған.
Мухбиримиз вәли
2012-03-07
Елхәт
Пикир
Share
Принт

Вен җабав йиллардин буян икки чоң йиғинда бу мәсилини һечқачан оттуриға қоюп бақмиған яки бундақ алаһидә тәләппузда тәкитләп бақмиған икән. Бу қетим у һәтта «йәрлик уруш» дегән аталғуниму қолланған, аңлиғучилар униң тәләппузидин, азадлиқ армийә ичидә бир чоң вәқә йүз бәргән яки бериватқанлиқини сәзгән. Шундақла бу һәқтә чоң ғулғула пәйда болған.

Сингапор университетиниң алий тәтқиқатчиси боҗявниң «америка авази» ға баян қилишичә, хитайниң қанунида һәрбий қисимларни башқуридиғанлиқи бәлгиләнгән әң алий һоқуқлуқ орган --- хитай дөләт мудапиә министирлиқи һазир хитайда һәрбий қисимларни асасән башқуралмайду.

Хитай дөләт мудапиә министирлиқиниң һазир һечқандақ рәһбәрлик һоқуқи йоқ, бу орган адәттә дөләт ичидики мәсилиләрниң һеч қайсиға арилишалмайтти, әмди буйил бу алий орган һәтта хитайниң бир туташ һәрбий хамчотидиниму хәвәрсиз қалған. Азадлиқ армийини дөләт армийисигә өзгәртишни оттуриға қоюп келиватқан азадлиқ армийиниң муавин штаб башлиқи җаң йеқинда мәхпий һалда вәзипидин қалдурулған, у, бу қетимқи икки чоң йиғинда һәммә мухбирниң зияритини рәт қилған.

Пикирләр (0)
Share
Толуқ бәт