Вийетнам намайишчилири тарқитиветилди

Йәкшәнбә күни вийетнам пайтәхти ханойда өткүзүлгән хитайға қарши намайиш сақчилар тәрипидин тарқитиветилгән болуп, бир қанчә он нәпәр намайишчи тутуп кетилгән.
Мухбиримиз үмидвар
2011.08.21

Бирләшмә агентлиқиниң хәвәр қилишичә, 50 тин артуқ намайиши шәһәр мәркәзлириниң биригә топлинип, хитайға қарши шоарларни товлиған болуп, сақчилар ханойниң мәркизий кочисини тезликтә қамал қилған.

Кишилик һоқуқни көзитиш тәшкилати сақчиларниң намайишчиларни тутқун қилғанлиқини тәнқид қилип, “бу намайишчилар һечқандақ хата қилмиди, сақчилар уларни шәртсиз қоюп бериши керәк” дәп җакарлиди.

Хәвәрләрдә көрситилишичә, вийетнамдики бу намайишқа зиялийлар вә адвокатларму қатнашқан болуп, улар өзлирини вийетнамниң игилик һоқуқини хитайдин қоғдайдиған вәтәнпәрвәрләр дәп һесаблайдикән. Улар җәнубий вә ғәрбий парасил тақим араллирини вийетнамниң земини, хитайни болса таҗавузчи дәп әйибләйду.

Вийетнамлиқларниң ханойдики хитайға қарши намайиши 10 һәптигә қәдәм қойған болуп, башта сақчилар уларға чеқилмиған болса, бирақ йеқиндин буян сақчи тәрәп уларниң намайишлирини тосушқа киришкән. Бу вийетнам тәрәпниң хитай билән болған мунасивәтни җиддийләштүрүветишни халимиғанлиқи билән мунасивәтлик дәп қаралмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.