Хитай мол хам әшя базиси африқа билән һәмкарлиқни күчәйтмәкчи

Бирләшмә агентлиқиниң хәвәр қилишичә, һазир африқидики 50 дөләтниң рәһбири бейҗиңда хитай билән болған һәмкарлиқни күчәйтиш йиғиниға қатнишиватқан болуп, хитай рәис ху җинтав бүгүн африқиға 3 йил ичидә берилидиған қәрз миқдарини 20 милярд долларға чиқиридиғанлиқини ейтқан.

Ху җинтав африқа дөләтлиригә қилған сөзидә “хитай африқа дөләтлири билән дунядики күчлүкләрниң аҗизларни, байларниң йоқсулларни бозәк қилишидәк әһвалға ортақ қарши туруш үчүн һәмкарлишиду” дегән. Әмма хитайниң африқа дөләтлиригә селиватқан мәблиғи билән бирликтә африқилиқ ишчиларниң һоқуқини дәпсәндә қилиш вә муһитни булғашқа охшаш мәсилиләрни кәлтүрүп чиқириватқанлиқи, һәтта мустәбит һакимийәтләрни қоллап, уларниң хәлқни бастурушиға янтаяқ болуватқанлиқидәк әһваллар хәлқарада муназирә қозғап келиватқан иди.

Б б с ниң ейтишичә, африқа хитайни хам әшя билән тәминләп келиватқан муһим мәнбә болуш билән бирликтә, хитайниң сүпәтсиз әзан маллирини сатидиған чоң базири. Униң үстигә африқиға мәбләғ салған хитай завут-ширкәтлириниң африқилиқ ишчиларни әмәс бәлки хитай ишчиларни апирип ишлитиш мәсилисиму бу дөләтләрдә наразилиқ қозғиған.

Игилинишичә, бүгүн хитай баш министир вен җябав африқа дөләтлири башлиқлири билән учрашқанда хитайниң бундин кейин африқидики йәрлик хәлқ үчүн иш пурсити яритип беридиғанлиқи, муһитни қоғдашқа әһмийәт беридиғанлиқи һәққидә вәдә бәргән.