Xitaydiki sheher ahalilirining 40% kéchisi talagha chiqalmaydighanliqi ashkarilandi

Xitay ijtima'iy penler tetqiqat jem'iyitining yéqinda élan qilghan “2012-Yilliq jem'iyet mulazimiti kök tashliq kitabi” din ashkarilinishiche, xitaydiki sekkiz chong sheherge qarita élip bérilghan tekshürüsh netijiside xitaydiki sheher puqraliridin texminen 40% ahale bixeterlikini nezerde tutup kéchisi talagha chiqmaydighanliqini bildürgen.
Muxbirimiz méhriban
2012.12.21

Kök tashliq kitabta bayan qilinishiche, kéchisi talagha chiqishtin ensireydighanliqini bildürgen sheher ahaliliri xitaydiki bayliq teqsimatidiki tengsizlik sewebidin kembeghel, bay perqi chongiyip, baylarda mülkidin we öz bixeterlikidin ensiresh tuyghusi kücheygen, emeldarlar bolsa özidiki chiriklik, parixorluq qilmishliri sewebidin puqralarning öch élishidin ensiresh ichide yashaydighan bolup qalghan, kirimi töwen sheher ahalilirida bolsa, hökümet da'irilirining öy chéqish, yer igiliwélish, ish heqqini tutuwélish qatarliqlar heriketliridin narazi bolush seweblik öch élish keypiyati barghanche ewj alghan bolup, sheher ahalilirida özining bixeterlikidin her waqit ensiresh ichide turidighan psixik halet kücheygen.

Doklatta bayan qilinishiche, xitaydiki doxturxana qatarliq mulazimet orunlirining xizmettiki sewenliki sewebidin doxturxanida dawalash jeryanida ölüp ketkenlerning uruq-tughqanlirining doxtur-séstiralargha tuyuqsiz hujum qilish ehwalliri barghanche köpeygen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.