Чегрисиз мухбирлар тәшкилати хитайниң ахбарат чәклимисини тәнқид қилди
2013.01.11
Баянатта: хитай даирилири мәмликәтниң һәр қайси ахбарат орунлириға өзиниң алдинала тәйярливалған баш мақалисини теңиш арқилиқ ахбарат әркинликини көзгә илмайдиғанлиқини йәнә бир қетим намаян қилди, дәп көрсәткән.
Баянатта илгири сүрүшичә, “җәнубий җуңго һәптилик хәвәрләр” гезити билән гуаңдуң өлкилик тәшвиқат бөлүми һасил қилған келишим қайил қиларлиқ әмәс. Чүнки униңда зиянниң орни толдурулмиған яки һечқандақ капаләт берилмигән.
Гуаңдуң өлкилик тәшвиқат бөлүми “җәнубий җуңго һәптилик хәвәрләр” гезитиниң һөкүмәтни асасий қанунға һөрмәт қилишқа чақирип тәйярлиған йеңи йиллиқ баш мақалисини қалдуруветип, униң орниға партийини мәдһийилигән баш мақалә елан қилған. Бу вәқә гезитханиниң наразилиқини қозғапла қалмай, бәзи либерал хитай зиялийлириниң тәнқидигә учриған.
Безиләр гезитхана алдида йиғилиш өткүзүп, өлкилик тәшвиқат бөлүми башлиқи то җениниң истепа беришини тәләп қилған. Гуаңдуң өлкилик партком җамаәт пикриниң бесимида гезитханидикиләр билән келишим һасил қилип мәсилини пәсәйтишкә киришкән.
Чеграсиз мухбирлар тәшкилати баянатта йәнә, хитай мәркизи тәшвиқат бөлүминиң 8-авғуст һәр қайси ахбарат орунлириға уқтуруш тарқитип, “партийиниң ахбаратқа болған контроллуқи тәвринишкә болмайдиған түп принсип” дәп агаһландурғанлиқини тәнқид қилди.