Хитай башқурулидиған бомбидин мудапиәлиниш синиқиниң ғәлибилик болғанлиқини елан қилди

Хитай түнүгүн башқурулидиған бомбидин мудапиәлиниш синиқи елип барған. Синақта, қуруқлуқни база қилип туруп, башқурулидиған бомбини һавада етип чүшүрүш техникиси синалған.
Мухбиримиз шоһрәт һошур
2010.01.12

Бүгүн бу һәқтә баянат бәргән хитай ташқи ишлар баянатчиси бу қетимқи синақниң ғәлибилик болғанлиқини билдүрүш билән биллә, хитайниң дөләт мудапиә сияситиниң дөләтниң игилик һоқуқи, бихәтәрлики вә земин пүтүнлүкини қоғдашни мәқсәт қилғанлиқини тәкитлигән. У йәнә бу қетимқи синақниң пүтүнләй мудапиә характерлик икәнликини, һечқандақ бир дөләткә қаратмилиқи йоқлуқини әскәрткән.

Бу қетимқи синақниң алдида, америка тәйвәнгә илғар типтики башқурулидиған бомба сетип беришни қарар қилған, хитай буниңға қаттиқ қарши чиққан иди.

Түнүгүн америка ташқи ишлар министири һилларий клинтон, хитай - америка мунасивәтлири һәққидә тохтилип, йеқинқи мәзгил ичидә америка билән хитайниң мунасивитидә җиддийлишиш еһтимали барлиқини етирап қилған. У америкиниң тәйвәнгә қорал сетип бериши вә обаманиң далай ламани қобул қилиш пилани хитай - америка мунасивитини қийин бир басқучқа елип кириши мумкин дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.