Xitay oqutquchining nareside Uyghur qiz oqughuchigha basqunchiliq qilghanliqi Uyghurlarni qattiq ghezeplendürdi

Yeken nahiyiside bir xitay oqutquchining bir nechche neper nareside Uyghur qiz oqughuchigha basqunchiliq qilish qilmishi heqqidiki xewerler Uyghur tor betliride küchlük ghulghula qozghighan bolup, radi'omizmu bu heqte belgilik uchurlargha érishken we weqening rastliqni delilligen idi.
Muxbirimiz jüme
2009.06.10

Yeken nahiyilik jama'et xewersizlik idarisi 6 - ayning 9 - küni chiqarghan uqturushqa qarighanda, bu yil 5 - ayning 9 ‏ - küni bir Uyghur ayal yeken nahiyilik 6 - bashlan'ghuch mektepte oquwatqan 9 yashliq qizning shu mekteptiki xitay oqutquchisi teripidin ziyankeshlikke uchrighanliqini mezkur saqchi idarisigha tapshurghan.

Jinayet gumandari ju famililik xitay 5 - ayning 18 - küni qolgha élin'ghan.

6 - Ayning 8 - küni yeken nahiyilik saqchi idarisi mezkur déloni tekshürüp delillep teptish mehkimisining eyiblishige tapshurghan bolup, jinayet gumandari yeken nahiyilik saqchixana solaqxanisida solaqta iken.

Uyghur tor betliride bu heqte teminligen uchurlar we radi'omiz igiligen tepsilatlargha qarighanda, jinayet gumandari basqunchiliq qilghan Uyghur qiz oqughuchlar bir nechche neperge yétidighan bolup, halbuki xitay qanun tarmaqliri bu déloni bir aydin buyan bir terep qilmighan we jinayetchige tégishlik jaza qollanmighan. Biz buheqte téximu tepsiliy melumat bérish üchün dawamliq izdinimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.