Xitay hökümiti dalay lamaning teywen ziyaritige qarshi küchlük naraziliq ipadisini körsetti

Tibet rohaniy dahiysi dalay lama, teywen'ge yétip kélishi haman, xitay dalay lamaning teywenni ziyaret qilghanliqigha qarshi intayin küchlük ipade bildürüp kelmekte.
Muxbirimiz gülchéhre
2009.09.01

Teywen da'irilirining1 - séntebir tarqatqan bayanatliridin ashkarilinishiche, xitay hökümiti dalay lamaning teywen'ge qarita ziyaritige naraziliq bildürüp, ikki qirghaq munasiwitige da'ir ikki qétimliq muhim ziyaret pa'aliyitini bikar qilghan.

B b s da körsitilishiche, xitayning bikar qilghan hemkarliq ziyariti asasen awi'atsiye hemde iqtisadiy sahesige munasiwetlik bolup, xitayning munasiwetlik da'iriliri ziyaritini bikar qilishining dalayning teywende ziyaret élip barghanliqi bilen munasiwetlik ikenlikini tekitligen.

Dalay lama yekshenbe küni teywen ariligha yétip kelgen idi. Dalay bu qétimliq teywen ziyaritining teywende lama diniy örüp adetliri boyiche tebi'iy apetke uchrighan xelqqe tengridin medet tilesh pa'aliyetliridin ibaret dinniy pa'aliyetni asas qilidighanliqini bildürgen bolsimu, tibet dinniy rehbiri dalay lamaning, béyjingning teywen bilen munasiwetlirini yüksdeldürüwatqan peytke toghra kelgen bu hal sorash ziyaritini xitaynng intayin küchlük naraziliq ipade bildürüshige seweb bolmaqta.

B b s ning xewirige qarighanda dalay lamaning seyshenbe küni gawshungda élip barghan apetke uchrighanlarning rohigha atap nom oqush murasimigha 20 mingdin artuq amma qatnashqan.

Bu qétimliq marakot teyféng borini apitide, teywende hayatidin ayrilghan hem yoqap ketkenler alte ming kishidin ashidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.