Xitay da'iriliri özini köydürüwélish weqelirining aldini élish üchün bixeterlik tedbirlirini chingitti

Bügün chingxey ölkisi tibetlerning özini köydürüwélish weqelirining aldini élish üchün bixeterlik tedbirlirini chingitidighanliqini élan qildi. Birleshme agéntliqining xewer qilishiche, chingxey gézitide bérilgen xewerde da'iriler bundin kéyin kochilarda charlash saqchisi we herbiylerni köpeytidighanliqini, chet'elliklerning tibet rahibliri merkezlik jaylashqan tongrén rayonigha kirishini cheklesh üchün tekshürüsh béketliri quridighanliqini uqturghan.
Muxbirimiz irade
2012-12-27
Share


Buningdin srt ular yene, mukapatlash we jazalash usulini yolgha qoyup, özini köydürüwalmaqchi bolghanlar, qutratquchiliq qilghanlarni pash qilghanlarni, kishilerni özini köydürmeslikke ündigenlerni mukapatlaydighanliqini bildürgen. Emma özige ot qoyghanlar we ularning a'ile - tawabi'atlirini yoqlap barghanlarni bolsa turmush yardem pulini élip tashlash we shuninggha oxshash bashqa iqtisadiy jazalar bilen jazalash bilen tehdit qilghan.

Xitay da'iriliri yuqiriqidek aldini élish tedbirlirini Uyghur élidimu oxshash yolgha qoyup kelmekte. Emma közetküchiler, xitay da'irilirining yuqiriqidek tedbirlirining naraziliq heriketlirini tügitish emes, eksiche téximu ulghaytiwétidighanliqini, xitayning az sanliq milletlerge qaratqan siyasitini özgertishtin bashqa charisi yoqluqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet