20 Dölet guruhining bashliqlar yighini harpisida xitay pulining kursi yene örlidi

Xitay da'iriliri 20 dölet guruhining bashliqlar yighini harpisida qarar chiqirip, xitay xelq pulining kursi yene qimmetlendürülidighanliqini élan qildi. Xitay xelq bankisi jüme küni xelq pulining kursi yene östürülüp, xelq pulining otturiche kursining bir dollargha 6 som 78 tiyin 96 sént qilip békitilidighanliqini bildürgen.
Muxbirimiz erkin
2010.06.25
Share on WhatsApp
Share on WhatsApp

Xitay xelq bankisining bu qarari 20 dölet guruhining bashliqliri shenbe küni kanadaning toronto shehirige yighilip, nöwettiki dunya pul - mu'amile krizisidin qandaq qutulush mesilisini muzakire qilidighan mezgilde élan qilindi.

Xitay emeldarliri buningdin burun 20 dölet guruhining bashliqlar yighinida xelq pulining kursini muzakire qilishqa qarshi ikenlikini bildürgen idi. Jüme künki xewerlerge qarighanda, shu küni xelq pulining kursi ösüp, bir dollar nöwettiki 6 som 82 tiyindin 6 som 79 tiyin'ge yéqinlashqan.

Prézidént obama torontogha qarap yolgha chiqishtin burun muxbirlarni kütüwélish yighini ötküzüp, xitayning pul mesilisidiki herikitini "ijabiy" qedem dep körsetken bolsimu, xelq puli kursi islahatining roligha baha bérishning hazirche baldurluq qilidighanliqini bildürdi. U rusiye prézidénti médwédéf bilen ötküzgen muxbirlarni kütüwélish yighinida yene, amérika xitayning pul kursining "özgirishini kütidighanliqini" eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.