Xitay qeshqerni chéqishqa bashlighandin kéyin, Uyghurlarning bash kéyimini cheklimekte

Qarghiliq nahiyisidiki mekteplerde qiz - oghul oqughuchilarning dersxanidila emes, belki srttimu bash kéyim kéyishi cheklen'gen. Adette, bash kéyim bilen mektepke kelgenler derwazidin kirgüzülmeydu. Mektep bilen yaki baliliri bilen alaqilishish üchün kelgen ata - anilarmu mekteplerge bash kéyim bile kelse derwazidin kirgüzülmeydu.

Fransiye agéntli'iqning bayan qilishiche, kommunist xitay hökümiti hazir hakimiyet qurghanliqining 60 yilliqini xatirilesh üchün, yüz minglighan qoralliq saqchi we formisiz saqchi uyushturup, ularni her qaysi jaylargha orunlashturushqa bashlighan. Uyghur aptonom rayonida bolsa, xitaylar hazir gézit - zhurnallarda her xil maqalilerni élan qilip, milletler ittipaqining 60 yilliq netijilirini sözleshke bashlighan.

Bezi uchur wastiliridin melum bolushiche, Uyghurlar hazir peqet özining awazini chiqirishqa mumkin bolghan nahayiti cheklik imkaniyetlerdin paydilinip, xitaylarning armiyige, saqchigha we qalpaq keygüzüshke tayinip élip bériwatqan yalghan teshwiqatlirini pash qilmaqta.

Bezi ziyaliylar, 'xitaylarning élan qilghan maqaliliride 1952‏ - yilidiki milly daramet 2008 ‏ - yiligha kelgende 341 hesse östi, namratlarning sani yildin ‏ - yilgha azlap hazir 2 miyon 800 minggha chüshüp qaldi, dégenliki, del 60 yilliq milletler ittipaqi dégen siyasetning netijisi ' dep yazdi.