Хитайда сиясий өктичиләрниң нерва кесәлликләр дохтурханисида тутуп турулуватқанлиқи паш қилинди

Америкида паалийәт елип бериватқан хитай кишилик һоқуқни қоғдаш җәмийити, бүгүн бир доклат елан қилип, хитайда сиясий өктичиләрниң нерва кесәлликләр дохтурханисида тутуп турулуватқанлиқини паш қилди.
Мухбиримиз шөһрәт һошур
2012-08-22
Share

Мәзкур доклат келәр айда б д т да ечилидиған хитайниң мейипләр һоқуқи әһдинамисигә әмәл қилип қилмиғанлиқини баһалаш йиғинида оттуриға қоюлуш үчүн һазирланған. Доклатта өктичиләрниң нерва кесәлликләр дохтурханисиға мәҗбурий апирилип,мәҗбурий давалинидиғанлиқи, давалиниш җәрянида аилиси билән көрүштүрүлмәйдиғанлиқи, наразилиқ билдүрсә қийин-қистаққа елинидиғанлиқи қатарлиқ әһваллар пакитлири билән паш қилинған.

Б д т да 2008‏-йили тәстиқланған мейипләр һоқуқи әһдинамисидә, мейипләрни қамап қоюшқа вә нәзәрбәнд қилишқа болмайду, дәп бекитилгән; нерва кесәлликләр болса мейипләр категорийисигә киргүзүлгән. Доклатта билдүрүшичә, хитайда сиясий өктичиләрниң нерва кесәлликләр қатарида санилиши инсан һәқлири мәсилиси болса, униң дохтурханида тутуп турулуши вә қийин-қистаққа елиниши инсан һәқлириниң йәнә бир қетим дәпсәндә қилиниш мәсилисидур.

Хитайниң келәр айдики б д т йиғинида бу мәсилигә қандақ җаваб беридиғанлиқи инсан һәқлири паалийәтчилириниң диққитини тартмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт