Ма йиңҗю : тәйвән хитайға өзгириш елип келишни үмид қилиду

Тәйвән президенти ма йиңҗю түнүгүн ахшамқи йеңи йил нутқида, тәйвән ‏ - хитай мунасивитиниң тәрәққияти вә мәқсити һәққидә тохталди.
Мухбиримиз шөһрәт һошур
2009-01-01
Share

Ма йиңҗю сөзидә хитай билән дипломатик мунасивәтни күчәйтиш җәрянида, тәйвәнниң игилик һоқуқини техиму мустәһкәмләйдиғанлиқини вә тәйвән хәлқиниң иззәт - һөрмитини давамлиқ үстүн тутидиғанлиқини билдүргән; у бу арқилиқ чоң қуруқлуққа өзгириш елип келидиғанлиқини билдүргән.

Ма йиңҗю сөзидә мундақ дегән: "биз чоң қуруқлуқ билән сиясий, иҗтимаий вә мәдәнийәт җәһәттики пәрқимизни давамлиқ түрдә қоғдаймиз, буниң билән тәң икки қирғақ мунасивитини иҗабий йөнүлүшкә қарап йетәкләймиз."

Гоминдаң партийиси тәйвәндә һакимийәт бешиға кәлгәндин кейин, тәйвән хәлқи болупму, мустәқиллиқ тәрәпдари кишиләр, тәйвән президенти ма йиңҗюниң тәйвәнни хитай билән бирлишишкә йетәклишидин әндишә қилип кәлмәктә иди.

Болупму өткән ай ичидә икки тәрәп мунасивитидә көрүлгән илгириләшләр бу әндишини техиму күчләндүргән иди. Шуңа ма йиңҗюниң йеңи йил нутиқи әнә әшу әндишиләргә җаваб бериш мәқсәтлик икәнлики пәрәз қилинмақта.

Йәнә көплигән көзәткүчиләр, тәйвән билән хитай арисидики мунасивәт тиҗарәт вә саяһәтчилик ишлирида илгирилигән болсиму, сиясий вә һәрбий мунасивәтләрдә илгириләш болмиғанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт