Ma yingjyu : teywen xitaygha özgirish élip kélishni ümid qilidu

Teywen prézidénti ma yingjyu tünügün axshamqi yéngi yil nutqida, teywen ‏ - xitay munasiwitining tereqqiyati we meqsiti heqqide toxtaldi.
Muxbirimiz shöhret hoshur
2009-01-01
Share

Ma yingjyu sözide xitay bilen diplomatik munasiwetni kücheytish jeryanida, teywenning igilik hoquqini téximu mustehkemleydighanliqini we teywen xelqining izzet - hörmitini dawamliq üstün tutidighanliqini bildürgen؛ u bu arqiliq chong quruqluqqa özgirish élip kélidighanliqini bildürgen.

Ma yingjyu sözide mundaq dégen: "biz chong quruqluq bilen siyasiy, ijtima'iy we medeniyet jehettiki perqimizni dawamliq türde qoghdaymiz, buning bilen teng ikki qirghaq munasiwitini ijabiy yönülüshke qarap yétekleymiz."

Gomindang partiyisi teywende hakimiyet béshigha kelgendin kéyin, teywen xelqi bolupmu, musteqilliq terepdari kishiler, teywen prézidénti ma yingjyuning teywenni xitay bilen birlishishke yéteklishidin endishe qilip kelmekte idi.

Bolupmu ötken ay ichide ikki terep munasiwitide körülgen ilgirileshler bu endishini téximu küchlendürgen idi. Shunga ma yingjyuning yéngi yil nutiqi ene eshu endishilerge jawab bérish meqsetlik ikenliki perez qilinmaqta.

Yene köpligen közetküchiler, teywen bilen xitay arisidiki munasiwet tijaret we sayahetchilik ishlirida ilgiriligen bolsimu, siyasiy we herbiy munasiwetlerde ilgirilesh bolmighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet