Mélburn shehiride Uyghur namayishchilar bilen xitayperes namayishchilar arisida toqunush yüz bergen

Awstraliyining mélburn shehiride Uyghur namayishchilar bilen xitayperes namayishchilar arisida toqunush yüz bergen bolup, roytérs agéntliqida xewer qilinishiche, toqunush shenbe küni féstiwal zali yénida meydan'gha kelgen.
Muxbirimiz jüme
2009.08.08

 Xewerde, weqe shahitlirining éytqanliridin neqil élip körsitishiche, rabiye qadir xanim,  "muhebbetning on sherti" namliq özi heqqide ishlen'gen höjjetlik filim körsitilidighan mélburn hökümet zaligha kirish aldida xitayperes namayishchilar zal yénida namayish qilghan. Xitay namayishchilar  qollirida plakatlarni pulanglitip rabiye xanimni "térrorchi" dep eyibligen.

 Netijide qollirida sherqiy türkistanning ay yultuzluq kök bayriqini kötürüshken Uyghur namayishchilar, ulargha qarshi sho'arlarni towlashqan.  Aridin bir Uyghur xanim xitay namayishchilargha étilip toqunushqanda, közette turghan saqchilar teripidin ayriwétilgen.

Bu xitaylarning "muhebbetning on sherti" namliq filimge qarshi körsetken axirqi tirishchanliqliridin biri bolup hésablinidu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.