Wyétnam xitayning étirazlirini “Bimenilik” dep ret qildi

Wyétnam xelq qurultiyi peyshenbe küni élan qilghan déngiz teweliki qanunida yer asti we tebi'iy bayliqliri mol parasél we spartl arallirining özige tewe ikenlikini körsetken.

Xitay tashqi ishlar ministirliqi buninggha jiddiy inkas qayturup, wyétnamning béyjingda turushluq bash elchisini tashqi ishlar ministirlikige chaqirtqan we wyétnamning déngiz qanunini “Qanunsiz we inawetsiz” dep körsetken idi.

Jüme küni wyétnam tashqi ishlar ministirliqi xitaygha inkas qayturdi. Wyétnam bayanatchisi lung tannigi: wyétnam xitayning bimene qarilashlirini küchlük rewishte ret qilidu, dédi.

U yene mezkur arallarning wyétnamning ikenlikini ispatlaydighan munazire telep qilmaydighan tarixiy ispatlar barliqini körsetti.

Xitaymu parasél we spartl arallirida özlirining igilik hoquqi barliqini ilgiri surup, mezkur taqim arallirigha tutishidighan wyétnam, broné, malayshiya qatarliq döletlerni bi'aram qilghan idi.