Үрүмчидә бир гуруппа хитай христиан мурити қанунсиз тутқун қилинишқа наразилиқ билдүрүп, һөкүмәт даирилиригә әрз қилған
2012.09.07
Улар даириләрдин сақчиларниң уларға бәргән җазасини қайтидин көрүп чиқишни тәләп қилған.
Мәркизи америкидики “җуңго ярдәм җәмийити” намлиқ тәшкилатниң билдүрүшичә, әгәр мәмури даириләр әрзни көрүп чиқишни рәт қилса, дәвагәрләр сот мәһкимисигә баш уруп, һоқуқини қоғдашни тәләп қилидикән.
Сайбағ вә мидоң районлуқ сақчи даирилири бу йил7-вә 8-айда хитай балилирини йиғип, илгири кейин икки қетим язлиқ инҗил курси ачқан 9 нәпәр христиан муритини тутқун қилған иди. Даириләр уларни “йешиға йәтмигән балиларни қанунсиз христиан курсиға уюштуруп, нормал диний тәртипкә бузғунчилиқ қилиш” билән әйибләп, 15 күнлүк тутуш туруш вә җәриманә қоюш җазаси бәргән.
Җуңго ярдәм җәмийити” ниң илгири сүрүшичә, сақчилар 15 күнлүк тутуш туруш җәрянида тутқунларни урған.
Бәзи көзәткүчиләрниң билдүрүшичә, гәрчә хитай даирилири уйғур елидә рухсәтсиз христиан диний паалийәтлирини җазалисиму, бирақ мусулманларниң диний паалийәтлирини қораллиқ бастурмақта икән. Даириләр бу йил язда хотәндә бир қуран курсиға қораллиқ һуҗум қилип, он нәччә уйғур балиниң көйүп ярилинишини кәлтүрүп чиқарған иди.
Көп көрүлгән хәвәрләр
RFA
- Б д т ниң “бейҗиң хитабнамиси” ниң 30-йилини хатирилиши уйғур паалийәтчиләрниң наразилиқини қозғиди
- Д у қ өткән йиллиқ хизмәтлирини хуласиләп, 2025-йиллиқ хизмәт пиланини музакирә қилди
- Уйғур тәшкилатлири чехийә дөләт рәисидин илһам тохти вә д у қ ни нобел мукапати намзатлиқиға көрситишини тәләп қилған
- Йәкән наһийәсидә аз дегәндә 6 орунда дарилетам маһийитидики ятақлиқ мәктәп барлиқи ашкариланди
- Хитай сақчи даирилири уйғур елидә “қишлиқ оператсийә” һәрикити башлап, чаған һарписидики бихәтәрликкә капаләтлик қилмақчи болған