Хитай йеңи 'қош тил' маарип пиланини елан қилди

Уйғур районлуқ һөкүмәт 27 ‏- май күни йеңидин түзүлгән қош тиллиқ маарип пиланини елан қилған. Пиланда хитай мәркизи һөкүмитиниң уйғур райониниң қош тиллиқ маарип хизмити үчүн 8 милярд йүән хираҗәт аҗратқанлиқи билдүрүлгән.
Мухбиримиз шоһрәт һошур
2010-06-01
Елхәт
Пикир
Share
Принт

Пиланда йәнә, 2012 ‏- йилиға қәдәр уйғурлар арисида барлиқ йәсли вә балилар бағчилирини қош тиллаштуруп болуш, 2015 ‏- йилиғичә барлиқ оттура мәктәпләрни бу сәвийигә йәткүзүш, 2020 ‏- йили болса, һәр қандақ мәктәптә қош тил раван сөзлинидиған қилиш бекитилгән.
 
Көзәткүчиләр мәзкур пиланниң дейилгән вақитта әмәлийлишип болуш мүмкинчиликидин, көпрәк пиланниң әсли ғайисигә диққәт қилмақта. Хитай һөкүмити қош тиллиқ маарип сияситини уйғур райониниң узун муддәтлик әминликини сақлаш үчүн бир тәдбир сүпитидә елан қилған.

Әмма көзәткүчиләрниң қаришичә, қош тиллиқ болуш шәртиниң райондики көчмән хәлқ хитайларға әмәс, бәлки йәрлик хәлқ болған уйғурларға йәни қанун бойичә аптономийә һоқуқи болған уйғурларға қоюлуши, икки милләт арисидики тәңсизликни ашкара оттуриға чиқириши вә миллий зиддийәтни техиму кәскинләштүрүши мумкин.

 
Пикирләр (0)
Share
Толуқ бәт