Antropolog pétir sikalnik ürümchi weqesi seweblik künmingda échilidighan xelq'ara antropologiye yighinini bayqut qilidighanliqini élan qildi

Xelq'ara antropologiye we étnologiye tetqiqat jem'iyitining mu'awin re'isi pétir sikalnik nechche yüz Uyghurning ölümi bilen ayaghlashqan ürümchi qirghinchiliqidin kéyin özining kéler hepte künmingda échilish aldida turghanda, jem'iyetning 16 - yighinini bayqut qilidighanliqini élan qildi.
Muxbirimiz irade
2009.07.30

U xitay xelq jumhuriyiti milliy ishlar komitétigha xet yézip: " men hergizmu bu tragédiyige sewebchi bolghan kishiler bilen tonushmaymen we ular bilen qol éliship körüshmeymen," dégen we xetni yene nurghunlighan antropologlarghimu yollighan.

Melum bolushiche, pétir sikalnik xelq'araliq antropologiye we étnologiye tetqiqati jem'iyitining 16 - qétimliq yighinining chaqiriqini bundin ikki hepte burun tapshuruwalghan bolup, u xitay döletlik milliy ishlar komitéti teripidin yighin'gha teklip qilin'ghan.

 Pétir sikalnik chéx jumhuriyiti pardubis uniwérsitétining proféssori, xelq'araliq antropologiye we étnologiye tetqiqati jem'iyiti chéx jumhuriyiti milliy komitétining re'isi we xelq'araliq antropologiye we étnologiye tetqiqati jem'iyitining mu'awin re'isidur. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.