خىتايدىكى ئالاقىدار دائىرىلەر بازارلاردىكى سۈپەتسىز ئايتوقاچلارنىڭ يىغىۋېلىنغانلىقىنى، بازارلارغا سېلىنغان ئايتوقاچلار 96% ئىنىڭ سەھىيە ئۆلچەملىرىگە توشىدىغانلىقىنى خەۋەر قىلىپ، خەلقنى خاتىرجەم بولۇشقا چاقىرغان.
خىتايدا ئارقا - ئارقىدىن يۈز بېرىۋاتقان زەھەرلىك يېمەكلىك، زەھەرلىك سۈت پاراشوكى ۋە زەھەرلىك چىش پاستىسى قاتارلىق ۋەقەلەر، خىتايدىكى سۈپەت ئۆلچىمى خىزمەتلىرىدە مەسىلىنىڭ ئېغىرلىقىنى كۆرسىتىدىكەن.
خىتاي ھۆكۈمىتى زەھەرلىك يېمەكلىك ئىشلەپ چىقارغۇچىلارغا ئۆلۈم جازاسى بېرىلىدىغانلىقىنى جاكارلىغان بولسىمۇ، بۇ خىل ۋەقەلەر خىتايدا ئۈزلۈكسىز سادىر بولماقتا.