Xitayda xizmetchi qobul qilishta ochuq ashkara halda irqi ayrimichiliq siyasiti yürgüzülmekte

Xitay yerlik da'iriliri xizmetchi qobul qilishta ochuq ashkara halda irqi ayrimichiliq siyasiti yürgüzüp kéliwatqan bolup, jenubi xitay seher gézitide körsitishiche, bu xil ehwal Uyghur élide bir qeder éghir iken.
Muxbirimiz jüme
2010-02-27
Élxet
Pikir
Share
Print

Xewerde ashkarilinishiche, 2007 - yili élan qilin'ghan bir xizmetchi qobul qilish élanida Uyghur jama'etchiliki bir qeder köpiyiwatqan yiwu qatarliq sheherliridiki saqchixanilargha Uyghurlarning ishlirini bir terep qilidighan saqchi qobul qilinidighanliqi, emma xizmet ornigha Uyghurchini rawan sözleydighan xitay kandidatlarningla qobul qilinidighanliqi körsitilgen.

Melum bolushiche, bu élanning mezmunliri téxi yéqinda ashkarilan'ghan. Jenubi xitay seher géziti bu heqte élip barghan tekshürüshke qarighanda, mezkur xizmet orunlirigha dégendek Uyghurche bilidighan xitay saqchilar qobul qilin'ghan.

Xewerde yuqiriqi élan misal qilinip, xitay yerlik da'iriliri meyli Uyghur élide bolsun we meyli Uyghur élining sirtidiki Uyghurlargha munasiwetlik xizmet orunlirigha bolsun xizmetchi qobul qilishta irqi ayrimichiliq siyasitini ashkara halda yürgüzüp kéliwatqanliqi körsitilgen.

Xewerde neqil qilinishiche, Uyghur qiz anar 2007 - yili oqush püttürgendin kéyin uda nechche yil saqchi bolush üchün imtihanlargha qatnashqan bolsimu da'im ötelmigen. Emma uninggha ötelmeslik sewebi chüshendürülmigen.

Melum bolushiche, 2007 - yili Uyghur élide 566 neper saqchi qobul qilinidighanliqi, bularning 265 nepirining choqum xitay bolushi kérekliki, peqet yüz neperge yéqin Uyghur qobul qilinidighanliqi, qalghanlirining bashqa milletlerge qaldurulghanliqi élan qilin'ghan.

Xewerde körsitishiche, junggo siyasiy qanun uniwérsitéti proféssori sey dingjyen xitay asasiy qanunida xizmetchi qobul qilish élanlirigha kandidatlarning millet terkibini éniq yézish cheklen'genlikini ilgiri sürgen.
 
 
Toluq bet