Хитай өлүм җазасини окул селиш арқилиқ иҗра қилишни йолға қоймақчи

Америка мәтбуатлириниң "җуңго вақти гезити" дин нәқил елип хәвәр қилишичә, хитай һөкүмити бу йил йил ахиридин башлап, бейҗиңдики өлүм җазасиға һөкүм қилинғанларниң һәммисигә окул селиш арқилиқ, өлүм җазаси иҗра қилидиғанлиқини қарар қилған.
Мухбиримиз миһрибан
2009.06.18
Share on WhatsApp
Share on WhatsApp

Хәвәрдә көрситилишичә, хитай һөкүмити өлүм җазасини окул селиш арқилиқ иҗра қилишни пүтун хитай мәмликити ичидә омумлаштурмақчи икән.

Хәлқара кәчурум тәшкилатниң статистика қилишичә, хитайда һәр йили өлүм җазасиға һөкүм қилинидиған кишиләрниң сани дуня бойичә әң көп болуп, бултур хитайда 7003 кишигә өлүм җазаси һөкүм қилинип, булардин 1718 кишиниң өлүм җазаси иҗра қилинған икән.

Нөвәттә уйғур ели вә тибәт, хитайдики сияси җинайәт билән өлүм җазасиға һөкүм қилиш ниспити әң еғир районлар болуп, хитайниң башқа өлкилиридә өлүм җазасиға һөкүм қилинғанларниң өлүм җазасини кечиктүрүш яки муддәтсиз қамақ җазасиға өзгәртиш имканийити болсиму, әмма уйғур елидә өлүм җазасиға һөкүм қилинған сияси җинайәтчиләргә берилгән җаза һөкүми шәртсиз иҗра қилинип келиниватмақта икән.

Хәлқара кәчурум тәшкилати хитайниң уйғур ели вә тибәт районида сиясий җинайәтчиләргә қаритилған өлүм җазасини бикар қилишни үзлуксиз тәкитләп келиватмақта.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.