Xitay pilanliq tughut siyasitide özgirish bolmaydighanliqini élan qildi

Bolupmu, mezkur siyasetning xitayda qiz - ayallar sanining kémiyip kétishi we nopusning qériliship kétishidek aqiwetlerni keltürüp chiqarghanliqi xitay tor betliride mulahize qilinishqa bashlighan.
 
Xitaydiki bezi axbarat wasitiliri hökümetning pilanliq tughut siyasitide qayta oylinip, özgertish élip bérishi mumkinlikini xewer qilghan idi.

Bügün, "xitay géziti" élan qilghan xewerdin melum bolushiche, xitay döletlik nopus we pilanliq tughut komitéti bashliqi li bin bu heqte toxtilip, pilanliq tughut siyasitide özgirish bolmaydighanliqini élan qilghan. U, "bundaq chong tarixi qarar üstide özgertish élip bérish undaq asan'gha toxtimaydu. Bu siyaset yene nechche on yil dawam qilidu" dégen.

Dunya Uyghur qurultiyi bayanatchisi dilshat rishit ependi bolsa bu heqte radi'omizgha bayanat bérip, Uyghurlarning xitaydiki pilanliq tughut siyasitining ziyinigha eng köp uchrawatqan xelq ikenlikini bildürdi.

U, xitayda yolgha qoyuluwatqan bu siyasetni eslidila az sanda bolghan Uyghurlargha oxshash yolgha qoyushning intayin orunsiz ikenlikini, bu siyasetning Uyghurlargha meyli ijtima'iy, medeniy we meyli diniy jehettin bolsun bab kelmeydighanliqini éytti.

Dilshat rishit sözide yene, xitay hökümitining Uyghur rayonigha éqip kiriwatqan xitay nopusini kontrol qilmaydighanliqini eskertip, atalmish pilanliq tughut siyasitining emeliyette xitay hökümitining Uyghurlarni assimilyatsiye qilish siyasitini ijra qilishtiki muhim wasitisi ikenlikini bildürdi.