Amérika, sherqiy jenubi asiya döletlirini xitaygha qarshi birlishishke chaqirdi

Amérika tashqi ishlar ministiri hillariy kilinton, 2-séntebir awstraliyide muxbirlarni kütüwélip, sherqiy jenubi asiya döletlirini, talash-tartishtiki déngiz teweliki mesiliside xitaygha qarshi öz-ara birlishishke chaqirghan.
Muxbirimiz shöhret hoshur
2012.09.03

Kilinton bu chaqiriqini, 11 kün dawam qilidighan asiya -tinch okyan rayonidiki 6 dölet sepirining tunji békitide bayan qilghan. Xitay tashqi ishlar bayanatchisi xung léy bügün klintonning mezkur chaqiriqigha derhal inkas qayturup, amérikini jenubiy junggo déngizi mesilisige qol tiqmasliqqa qayta dewet qilghan.

Xitay yillardin béri, mezkur rayondiki déngiz teweliki mesilisini, talash-tartishtiki döletler bilen ayrim-ayrim sözlishishni teshebbus qilmaqta. Amérika bolsa, talash-tartishtiki barliq döletlerning mesilini ortaq muzakire bilen hel qilishini tewsiye qilmaqta.

Amérika yene buningdin kéyin istratégiyilik nishanini asiya tinch okyan rayonigha merkezleshtüridighanliqini we bu rayondiki menpe'etlirini qoghdaydighanliqini tekitlimekte. Birleshme agéntliqining bügünki xewiride bildürüshiche, kilinton xanim düshenbe küni hindonéziyini ziyaret qilghandin kéyin, xitayda ziyarette bolidu.

U xitay terep bilen jenubiy junggo déngizi mesilisi, süriye, iran we shimaliy koriye mesililiri üstide muzakire élip baridu. Kilinton xitaydin kéyin, sherqi timur, bruniy we rusiyining yiraq sherq rayonida ziyarette bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.