Америка, хитайдин импорт қилинған көймәс там ишлитилгән өйләр теминиң пүтүнләй қайтидин ясилиши керәкликини көрсәтти

Америка истемалчилар бихәтәрлик комитети җүмә күни уқтуруш чиқирип, хитайдин импорт қилинған көймәс там ишлитилгән америка өйлириниң пүтүнләй қайтидин ясилиши керәкликини көрсәтти.
Мухбиримиз җүмә
2010.04.03
Share on WhatsApp
Share on WhatsApp

Мәлум болушичә, флорида, виргинийә, миссисипи, алабама вә луисиана қатарлиқ штатлардин 3 миңға йеқин өй игиси хитайда ишләнгән көймәс тамни ишлитип чатақ чиққанлиқини доклат қилған.

Нәтиҗидә америка истемалчилар бихәтәрлик комитети тәкшүрүш елип берип, бу хилдики тамларниң пүтүнләй чеқилип қайта селиниши керәкликини илгири сүрди.

Җүмә күни комитет рәиси инез тәнәнбаум: "биз өй игилириниң бу хилдики тамларни пүтүнләй қомуруветип, ойниң ички қисмини қайта ясишини вә һаятини қайтидин башлишини тәләп қилимиз" деди.

Хәвәрдә көрситишичә, хитайда ишләнгән бу хилдики тамлар ток йоллири, һава алмаштуруш системиси, компютер, ишик тутқучлири вә зиннәт буюмлириниңму чирип кетишини кәлтүрүп чиқарған. Бу хилдики тамларниң һәтта адәмләрниң саламәтликигиму еғир зиян йәткүзүши мумкин икән.

Инез тәнәнбаум ханимниң билдүрүшичә, хитайдин импорт қилинған қуруқ тамлар чиқиридиған гидро сулфид химийилик маддисиниң миқдари башқа йәрдә ишләнгән қуруқ тамларға қариғанда 100 һәссә юқири икән.

Мәлум болушичә, бу хил тамлар йеқинқи йилларда америка ой базирида көрүнгән өрләш һадисиси җәрянда бир қәдәр көп импорт қилинған болуп, бу хилдики тамлар йеңи селинған өйләрдә бир қәдәр көп учрайдикән.

Америка кеңәш палата әзаси бил нелсон нөвәттә ой игилири тартқан зиянни кимдин төлитивелиш мәсилисиниң муһим мәсилә икәнликини илгири сүргән. У мундақ дегән: " буни өй игилири кәлтүрүп чиқарғини йоқ. Бәлки хитайдики завут игилири кәлтүрүп чиқарди. Шуңа биз бу мәсилини һәл қилишта хитайниң мәсулийитини сүрүштә қилишимиз керәк."

2007 Йили хитай ишлигән балилар оюнчуқлири вә әрмәк һайван йемәклиридә зәһәрлик мадда меламин байқилип, америка истималчилирида җиддийлик пәйда қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.