Yapon parlamént ezaliri: xitay paraxotliri yapon paraxotini qesten soqqan

Bügün yaponiye parlaméntida xitay béliqchi kémisi bilen yaponiye déngiz qoghdighuchi kémisining sénkaku arilida soqulup kétish weqesige da'ir sin'alghu léntisi körsitilgen. Yapon da'iriliri léntidiki körünüshlerdin xitay kémisining yapon kémisini qesten soqqanliqini intayin roshen körüwalghili bolidighanliqini éytqan.
Muxbirimiz irade
2010-11-01
Share

Fransiye agéntliqining xewer qilishiche, 7 minut uzunluqtiki sin'alghu léntisini körgen yaponiye parlamént ezaliri xitay kémisining nahayiti téz sür'ette kélip, yaponiye kémisini qesten soqqanliqini, yaponiyining buninggha qarshi alghan tedbirlirining intayin orunluq bolghanliqini bildürgen. Bezi yapon diplomatlar xitay kémisining intayin yaman gherezlik ikenlikini éytqan.

Igilinishiche, bu sin'alghu léntisi xelqqe ashkarilanmighan bolup, buningdiki seweb sin'alghu léntisini körgen yapon xelqining ghezep piltisigha ut tutushup kétishining aldini élish iken. Emma yaponiye xelqi arisida sin'alghu léntisidiki mezmunlarni eynen élan qilish heqqide küchlük telep otturigha chiqiwatqan bolup, bu heqte yapon metbu'atlirida munazire qozghalghan.

Mezkur kéme soqulush weqesi 7 - séntebir yüz bergen idi. Weqede xitayning bir béliqchi kémisi yaponiye déngiz mudapi'e charlash paraxotigha ikki qétim soqulghan, netijide yaponiye déngiz mudapi'e xadimliri xitay kémisining kapitanini qolgha alghan idi. Mezkur weqe yaponiye- xitay munasiwetlirini yirikleshtürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet