Yaponiye xitayni hawa tewelikige dexli qilish bilen eyiblidi

Yaponiye hökümet bayanatchisi fujimuraning bildürüshiche, yaponiye xitayning déngiz bashqurush da'irilirige tewe bir ayropilanini bayqighandin kéyin, derhal ikki küreshchi ayropilanini ishqa salghan.

Bu yaponiye da'irilirining tunji qétim xitayni yaponiyining hawa tewelikige dexli qilish bilen eyiblishi bolup, yaponiye da'iriliri mezkur ayropilanni shu jay waqti 11:00 etrapida bayqighan. Buningdin sel awwal yaponiye déngiz mudapi'e da'irilirimu hökümetke xitaygha tewe paraxotlarning sénkaku ariligha yéqin jaylarda heriket qiliwatqanliqini uqturghan iken. Bayanatchi fujimara xitayning bu xil urunushlirini “Tolimu epsuslinarliq bir heriket” dégen we xitaygha qattiq naraziliq bildürgen.

Emma, xitay tashqi ishlar bayanatchisi xung léy bügün muxbirlarning so'allirigha jawab bergende, sénkaku we uning etrapidiki arallarning xitaygha tewe ikenlikini ilgiri sürüp, xitay ayropilanlirining rayonda uchushi intayin normal bir ehwal, dégen.

Talash-tartishtiki déngiz rayoni muhim istratégiyilik ehmiyetke ige bolushtin sirt, uningda mol néfit zapisi barliqimu ilgiri sürülmekte. Ikki döletning bu arallardiki hoquq kürishi barghanséri keskinleshmekte. Yaponiyide yéqinda ötküzülidighan hökümet saylimighimu sénkaku mesilisining zor tesir körsitishi mumkin iken.